Tare thotë së Lazio “i numëroi vitet” derisa Ramagnoli të lirohet nga Milanit
Drejtori sportiv i Lazios, Igli Tare ka thënë së Lazio ka “numëruar vitet” derisa Alessio Romagnolit i ka skaduar kontrata me Milanin
Mbrojtësi 27 vjeçar i Italisë u largua nga Kuqezinjtë pasi që i skadoi kontrata muajin e kaluar, duke përfunduar aventurën e tij gjashtë vjeçare me këtë klub. Ai tani ka shkruar kontratë pesë vjeçare me Blutë e Romës, klubin që ai e adhuroi që nga fëmijëria.
Duke folur në një konferencë për shtyp sot, Tare ka folur për arritjen e Romagnolit dhe për kohën se sa shumë e deshi Lazio atë.
“Sot është një ditë shumë e mirë për mua. Ne kemi kënaqësinë që të prezantojmë dy transfere të mëdha, po shtu të falënderojmë edhe intervenimin e presidentit tonë në fund të negociatave. Ata do të jenë një vlerë shumë e pasur e kësaj skuadre”.
“Është kënaqësi që ta prezantojmë, ishte ëndrra e tij e fëmijërisë, një lojtar që e kishte këtë ëndërr për ne për shumë vite. Ne jemi takuar në stadiume të ndryshme, kemi numëruar vitet deri të skadojë kontrata e tij”.
“Ai është një lojtar me përvojë të madhe, kapiten i Milanit, ai do të jetë një lojtar i vijës së fundit si brenda ashtu edhe jashtë fushe. Vecino, në anën tjetër, ishte një kërkesë e rëndësishme që u bë nga Sarri”.
“Ne kishim nevojë për të, ne kishim nevojë për mesfushë. Ne do i plotësojmë nevojat e trajnerit tonë me vlera të madh, po ashtu edhe jashtë fushe. Ai ka shumë përvojë edhe në nivel ndërkombëtarë”.
Lazio deri me tani ka bërë shtatë transfere këtë verë, duke ndryshuar pothuajse tërësisht skuadrën e Sarrit, i cili ka nënshkruar kontratë të re në fillim të vitit. Blutë janë duke ndërtuar një projekt të fuqishëm nën urdhrat e trajnerit italian, duke shpresuar që të dominojnë kundër rivalit të tyre direkt Roma, i cili po ashtu është duke ndërtuar diçka speciale nën urdhrat e Jose Mourinhos.
Gjatë gjashtë viteve të tij në Milan, Romagnoli bëri 247 paraqitje në të gjitha garat. Gjatë kësaj kohe, ai shënoi 10 gola dhe bëri tri asiste duke ndihmuar skuadrën e tij që ta fitojë një Scudetto dhe një Super Kupë të Italisë.
(Kosova Sot Online)
