Barcelona i shet edhe 25 për qind të “Barça Studios” për t’i regjistruar blerjet e reja

La Liga po vazhdon ta refuzojë regjistrimin e përforcimeve të reja të Barcelonës. Dhe, ky fakt e ka shtyrë gjigantin katalunas që ta vazhdojë shitjen e aseteve, në mënyrë që trajneri Xavi Hernandez t’i ketë në dispozicion përforcimet e reja qysh të shtunën kundër Rayo Vallecanos.Mediat spanjolle raportojnë se “Blaugrana” janë të gatshëm t’i shesin edhe 25 për qind të “Barça Studios”, në mënyrë që t’i regjistrojnë blerjet e reja.Lajmin e ka bërë të ditur më saktësisht “Radio Barcelona”.

Lexoni edhe:

Nxehen gjakrat, ministri turk: Me lejen e Zotit do ta marrim me not ishullin grek, përgjigjet Athina

Së fundmi, klubi spanjoll i kishte shitur tek “Socios.com” 24,5% të “Barça Studios”. Katalunasit me gjasë do t’ia shesin 25% “Barça Studios” grupit GDA Luma për afro 100 milionë euro. Ka mundësi që këtij klubi të mos i mjaftojë as kjo shumë, e cila me aktivizimin e levës së katërt, i duhet ta bëjë një tjetër reduktim të rrogave me një total prej 30-40 milionë euro.

Në këtë mënyrë do të vinte edhe drita e gjelbër nga La Liga për regjistrimin e përforcimeve të reja. 

(Kosova Sot Online )