Lexoni edhe:
Francezët që u zunë në Leposaviq: Në Kosovë u ndalëm për kujtime
Usyk zbulon “armën sekrete” para rimeçit me Joshuan
Oleksandr Usyk ka zbuluar identitetin e anëtarit të tij më të rëndësishëm të skuadrës për revanshin e tij me Anthony Joshua – lodra e preferuar përkëdhelëse e vajzës së tij.
Ukrainasi bleu personazhin e Winnie the Pooh Eeyore për vajzën e tij Elizabeth gjatë një udhëtimi familjar në Euro Disney në Paris dhe ajo e ka quajtur Liolia.
Ajo ia prezantoi Liolian babait të saj për fat të mirë përpara se ai të nisej në kampin stërvitor dhe lodra ka qenë pranë tij që atëherë. Kampioni i pamposhtur i peshave të rënda të WBA Super, IBF dhe WBO fle me Liolian dhe madje e solli atë në ngjarjen e mbërritjeve të hënën mbrëma. Kampioni ukrainas shpjegoi: “Është e vajzës sime. Ajo ma dha për të qenë hajmali fatsjellëse”.
“E blemë kur ishim të gjithë bashkë në Disneyland, Paris. Kur u larguam nga Ukraina së bashku, rrugët tona u ndanë në Evropë. Vajza ime ma dha këtë lodër dhe më tha ‘kjo duhet të jetë pranë teje’. Ajo fle me mua, është gjithmonë pranë meje dhe sot më tha ta çoja në eventin tim mediatik”.
“Nuk jam i sigurt që të jetë në këndin tim të shtunën mbrëma, ajo është një vajzë kështu që mund të ketë frikë! Por, ajo patjetër do të jetë në dhomën time të zhveshjes”. Usyk është ndarë nga familja prej muajsh për t’u fokusuar në kampin e tij stërvitor për revanshin me Joshuan.
(Kosova Sot Online )
