Lexoni edhe:
Përfundoi në bankinë në dy ndeshjet e fundit, a do të largohet Rashica nga Norwichi?
Ronaldo e injoroi keq legjendën e Liverpoolit para derbit të madh anglez
Cristiano Ronaldo njihet si një futbollist mjaft i urryer për tifozët e Liverpoolit falë eksperiencës së jashtëzakonshme që e pati tek rivali i tyre, Manchester United. Dhe, rivaliteti duket se ka kaluar edhe në mes të legjendave.
37 vjeçari në fakt e ka injoruar keq legjendën e “Reds”, Jamie Carragher teksa shkoi për t’ju folur legjendave të “Djajve të Kuq”, Gary Neville e mbi të gjitha Roy Keane. Derisa Carragher, i cili aktualisht punon si analist në “Sky Sports”, iu afrua “CR7” për të biseduar me të, portugezi e injoroi atë duke i thënë se nuk ka kohë dhe vazhdoi tek Keane, për të shkuar më pas drejt fushës së blertë.
Natyrisht, Ronaldo iu hakmor ish-mbrojtësit anglez për komentet e tij të së kaluarës në drejtim të portugezit.
Kjo video është bërë virale, derisa Carragherit kolegët me shaka i thanë se ndoshta herën tjetër do t’i ndalej Ronaldo për ta përshëndetur dhe për të diskutuar me të.
Edhe pse Man Utd e fitoi derbin e madh anglez, 2:1, pesë herë fituesi i Topit të Artë nuk e pati një ditë të mirë pasi u inkuadrua në lojë vetëm në minutën e 86-të, në ndeshjen e zhvilluar në “Old Trafford”.
(Kosova Sot Online )
