Lexoni edhe:
Prezantohen Alonso dhe Bellerin, spanjollët shprehen të lumtur që kanë nënshkruar me Barcelonën
Bailly akuzon Unitedin së “favorizon” lojtarët anglez, para lojtarëve të shteteve tjera
Eric Bailly ka akuzuar Manchester United së është duke “favorizuar futbollistët anglez”, derisa ai u transferua si i huazuar në Marseille.
Futbollisti i Bregut të Fildishtë ka treguar që United të qenit nga një vend tjetër ka bërë që ai mos të jetë në formacion të skuadrës, e ku zakonisht para tij kishte përparësi Harry Maguire dhe Luke Shaw, pavarësisht se ata po kalonin në një formë katastrofale. Bailly ka thënë që ai shpreson që menaxheri i ri Erik ten Hag ta ndryshojë këtë dinamike pasi është prezantuar si lojtar i Marseille këtë të martë.
“Klubi duhet të shmang favorizimin e lojtarëve anglez në zhveshtore, jo vetëm duke favorizuar lojtarët anglez, por gjithmonë duke i dhënë përparësi të gjithë. Kjo e shton garën në zhveshtore, jo vetëm të shikohen për disa. Kisha ndjenjën që favorizoheshin vetëm lojtarët e Kombëtares së tyre”, tha 28 vjeçari, i cili do të luan në Stade Velodrome në huazim për sezonin 2022/23.
“Kjo nuk ndodh në Chelsea apo tek klubet e tjera të mëdha në Premier Ligë. Disa njerëz e kanë të sigurt që do të startojnë dhe kjo e ka dobësuar këtë skuadër. Fatmirësisht, Ten Hag ka më shumë karakter dhe shpresoj që do ta ndryshojë këtë dinamikë”.
Bailly ishte shumë i kufizuar në United ku kishte luajtur vetëm katër ndeshje gjatë sezonit 2021/22, për shkak të lëndimeve të tij të shumta dhe gjendjes së tij fizike. Mbrojtësi është lojtar i United për gjashtë vite dhe ka kontratë me Djajtë e Kuq deri më 2024, por Marseille raportohet që ka opsionin për ta blerë në verën e ardhshme.
Marseille pritet që të përballet me Tottenhamin në Ligën e Kampionëve në fazën e grupeve të mërkurën, me Bailly që mund të debutojë për skuadrën franceze që këtë të mërkurë.
(Kosova Sot Online)
