Lexoni edhe:
Ballkani e zhvillon sot ndeshjen historike në Ligën e Konferencës
Klopp merr përgjegjësinë për humbjen ndaj Napolit
Liverpool u mposht thellë 4-1 në ndeshjen e parë të Ligës së Kampionëve në udhëtim ndaj Napolit të mërkurën në mbrëmje. Rezultati është vetëm zhgënjimi i tyre i fundit në 2022/23, dhe Jurgen Klopp kërkoi falje pas lojës.
“Ishte një natë shumë zhgënjyese, kështu që më duhet t’u kërkoj falje tifozëve”, tha Klopp pas ndeshjes në Itali.
“Problemet që kishim ishin të dukshme. Së pari, Napoli luajti shumë mirë dhe ne luajtëm shumë keq”, u shpreh ai. Klopp e di se Liverpool ka pasur performancë të dobët këtë sezon dhe ai është i vendosur t’i kthejë ata në rrugën e duhur. “Pse luajtëm kaq keq? Nuk mund të injorojmë fillimin e keq dhe dy penalltitë, por pyetja është pse djemtë nuk luajtën mirë. Është detyra ime ta zgjidh këtë. Është përgjegjësia ime. Me Alisson në portë, duhet të jemi shumë të dobët që të ndodhë ai rezultat. Duket sikur duhet të rigjejmë veten. Ka shumë gjëra që mungojnë”, përfundoi ai.
(Kosova Sot Online )
