Ngjarja e madhe evropiane në Mitrovicë, 6 skuadra duan biletën e kualifikimit
Nga 27 deri më 30 shtator, në Mitrovicë do të zhvillohen kualifikimet e FIBA Europe Cup, gjegjësisht Grupi A, ku gjashtë skuadra do të garojnë për një vend.
Të martën do të zhvillohen dy ndeshje çerekfinale, kurse Sporting Lisbona dhe Anwerp i Belgjikës janë kualifikuar direkt në gjysmëfinale.
Sfida e parë do të jetë ndërmjet Petrolina AEK dhe Thor nga ora 17:00, ndërsa ndeshja që po pritet me interesim të madh Gottingen dhe Trepçës, zhvillohet nga ora 20:00. Fituesi i kësaj ndeshje do të përballet me Sportingun. Të mërkurën zhvillohen ndeshjet gjysmëfinale, ndërsa të premten finalja e madhe, ku do të mësohet se, kush do të kualifikohet në grupet e FIBA Europe Cup.
Pesë skuadrat e huaja kanë arritur dhe janë akomoduar, ndërsa kanë zhvilluar stërvitjet e para në “Minatori”.
(Kosova Sot Online)