Presidenti i FIFA-s, Infantino do ta vizitojë nesër Kosovën
Presidenti i FIFA-s, Gianni Infantino do ta vizitojë nesër Kosovën.
Kreu i futbollit botëror gjatë ditës do të ketë takime me krerët e institucioneve shtetërore.
Ndërsa më pas do ta vizitojë edhe selinë e Federatës së Futbollit të Kosovës, prej nga, prej orës 15:00, i shoqëruar nga kreu i FFK-së, Agim Ademi do ta mbajë një deklaratë për media.
Kjo do të jetë vizita e parë e presidentit të FIFA-s në Kosovë, ndërsa ai do ta vizitojë edhe Shqipërinë ndërkohë.
(Kosova Sot Online)