Lexoni edhe:
Të dashuruar pas Messit, PSG ka gati kontratën e re me një pagë “faraonike”
Barcelona po punon t’ia vazhdoj kontratën Dembeles, synohet t’i hiqet klauzola e ulët francezit
Ousmane Dembele është duke kaluar nëpër një formë të mrekullueshme këtë edicion me Barcelonën.
Sulmuesi francez mbeti i lirë në fund të sezonit, por vendosi të rinovojë kontratën e tij për dy vite të tjera.
Me kontratën e re Dembele ka një klauzolë largimi prej 50 milionë eurove, shumë që konsiderohet e ulët.
Kësisoj katalunasit janë futur në bisedime me agjentin e lojtarit për ta rinovuar kontratën edhe për dy vite shtesë, pasi duan t’ia rritin klauzolën.
Dembele është njëri nga futbollistët kryesorë të Barcelonës këtë sezon dhe trajneri Xavi Hernandez beson shumë në të.
Barcelona nuk mund t’i marrë as 50 milionë euro në rast se ndonjë skuadër paguan klauzolën e Dembeles, pasi gjysma e parave do t’i takonin futbollistit dhe agjentit të tij.
Katalunasit kanë frikë se Dembele do të shkëlqejë në Botëror dhe mund ta humbasin për pak para, prandaj janë të gatshëm t’ia vazhdojnë kontratën deri në verën e vitit 2026 dhe t’i vendosin ndonjë klauzolë më të madhe ose t’ia heqin atë.
(Kosova Sot Online )
