Bayerni kthehet te fitorja në Bundesligë, mposht me rezultat bindës Leverkusenin
Pushimi shkaku i ndeshjeve ndërkombëtare, duket se i ka ndihmuar shumë Bayern Munichit.
Pas katër ndeshjeve radhazi pa fitore (tri barazimeve dhe një humbjeje), skuadra e drejtuar nga Nagelsmann u rikthye te fitorja në Bundesligë
Sonte, “Bavarezët” shënuan fitore bindëse kundër Bayer Leverkusenit me rezultatin 4:0. Ndeshja u zhvillua në “Allianz Arena” dhe ishte e vlefshme për javën e tetë.
Leroy Sane (3’), Jamal Musiala (17’), Sadio Mane (39’) dhe Thomas Muller (84’) ishin autorët e golave të fitores.
Bayerni pas kësaj fitore ka 15 pikë dhe renditet i dyti në tabelë momentalisht, teksa Leverkuseni ndodhet në pozitën e 16-të me vetëm pesë pikë.
(Kosova Sot Online)