Lexoni edhe:
Arsenali gati ta blindojë Granit Xhakën, kontratë e re për ta bërë lojtarin e dytë më të paguar në klub
Ylli i Chelseat fluturoi me avion për 35 euro edhe pse fiton 12 milionë në vit
Klubet e mëdha zakonisht fluturojnë në ndeshjet e Ligës së Kampionëve me avionë privat, por disa lojtarë madje përdorin avionët e tyre privatë. Megjithatë, futbollisti i njohur i Chelseat, Reece James, ka preferuar një tjetër udhëtim.
Pas fitores 2-0 të Bluve ndaj Milanit të martën në Ligën e Kampionëve, ai mori një fluturim për në shtëpi të mërkurën që kushtoi 35 euro me linjën ajrore me kosto të ulët “EasyJet”. Dhe kjo pavarësisht se përfaqësuesi anglez fiton rreth 12 milionë euro në vit.
Në fotot që qarkullojnë në rrjetet sociale, James është në Milano gjatë një dite pushimi. Ishin edhe disa tifozë të Chelseat, të cilët vendosën të vizitojnë metropolin italian të modës pas fitores si mysafir, dhe bënë foto me mbrojtësin e njohur të djathtë.
Tifozët në avion kërkuan autografe dhe selfie. Është ende e pasigurt nëse James do të kthehet në fushë kundër Aston Villas të dielën, pasi pësoi një dëmtim në gju në ndeshjen e fundit.
(Kosova Sot Online )
