Lexoni edhe:
Raporti i BE-së: Kosova ka plotësuar kriteret për heqjen e vizave që në vitin 2018
Klopp konfirmon se Diogo Jota nuk luan në Kupën e Botës
Jurgen Klopp ka përjashtuar Diogo Jotën nga Kupa e Botës që mbahet në Katar, pasi 25-vjeçari u largua nga fusha gjatë fitores 1-0 të Liverpoolit ndaj Cityt.
Anësori i The Reds pësoi një lëndim të muskulit të kofshës gjatë ndeshjes së tyre në Ligën Premier në Anfield të dielën – duke e lënë trajnerin e Portugalisë, Fernando Santos të djersitur për gjendjen e tij fizike.
Tifozët shpresonin se Jota do të kthehej në kohë për Kupën e Botës, por Klopp ka konfirmuar se do të humbasë turneun – i cili fillon muajin e ardhshëm.
Duke folur gjatë konferencës për shtyp të Liverpoolit, Klopp tha: “Jota do të jetë jashtë për një kohë të gjatë, ne flasim për muaj. Do të shohim – nuk dua të vendos një numër, sepse shpresoj që të ketë një moment pozitiv në rehabilitim, por do të zgjasë”.
“Ai është çuditërisht mirë, deri tani. Djalë i zgjuar dhe reflektues. Ai e dinte kur e nxirrnim jashtë fushës kur dilnim në fushë. Ai shpjegoi se çfarë ndodhi dhe e dinte se ishte një situatë serioze dhe me ndikim për ëndrrat e tij për Kupën e Botës”.
Klopp vazhdoi të shpjegojë se si lëndimi do ta përjashtonte Jotan nga Kupa e Botës: “Jota do të humbasë Kupën e Botës, lëndim vërtet i rëndë në kofshë. Procesi fillon dhe kaq. Lajm shumë i trishtuar për të, për ne dhe Portugalinë”, ka shtuar më tej trajneri gjerman.
Jota dukej në siklet të jashtëzakonshëm pasi u përpoq të hidhte topin përpara, ndërsa Liverpool kërkonte të shtonte një gol tjetër kundër rivalëve të tyre në Ligën Premier.
(Kosova Sot Online )
