Guardiola e sulmon ashpër FIFA-n në prag të ndeshjeve për Kupën e Botës

  • S.A /
  • 09 November 2022 - 09:39
Guardiola e sulmon  ashpër FIFA-n në prag të ndeshjeve për Kupën e Botës

Timonieri i Manchester Cityt,  Pep Guardiola, e ka goditur Kupën e Botës  duke thënë  se nuk do t’i fajësonte lojtarët e tij për shpërqendrimin, pasi ish-presidenti i FIFA-s, Sepp Blatter pranoi se zgjedhja e Katarit si mikpritës ishte një gabim. Dhe në një nivel të ri të ulët për turneun, i cili fillon më 20 nëntor, ambasadori i Kupës së Botës dhe ish-lojtari i Katarit, Khalid Salman ka deklaruar se homoseksualiteti është ‘dëm në mendje’.

Manchester City i Guardiolës pret Chelsean në raundin e tretë të Carabao Cup të mërkurën (sot) dhe Brentfordin në Ligën Premier të shtunën, dhe trajneri tha se do ta kuptonte nëse lojtarët e tij do të kishin frikë të merrnin një lëndim në prag të turneut, transmeton "Kosova Sot Online".

“Ne kemi një Botëror të çmendur dhe lojtarët nuk mund të pushojnë”, deklaroi ai. “Lojtarët kanë një sy në Kupën e Botës. Nëse keni një lëndim kundër Brentford, nuk do të ndryshojë asgjë për sa i përket fitimit të Ligës Premier ose jo, por do të humbisni Kupën e Botës”. “Më është dashur t’u them djemve që të jenë të përqendruar një muaj më parë, por tani është afër. Ne luajmë të shtunën dhe të dielën duhet të jenë me kombëtaren. “Jam shumë i sigurt se kjo do të jetë në mendjen e lojtarëve. Unë do të isha po ashtu sikur se ta”, ka vazhduar spanjolli. Nëse City mund Chelsean, ata do të përballen me një ndeshje të raundit të katërt disa ditë pas finales së Kupës së Botës të dielën, më 18 dhjetor.

(Kosova Sot Online )