Lexoni edhe:
Kërkesat politike strategjike nga SHBA-të janë në interes të Kosovës dhe duhet të respektohen, të pezullohet për 10 muaj edhe vendimi mbi ndërrimin e targave me regjistrimin ilegal serb!
Haxhi Krasniqi i kthehet vendlindjes: Në vitin 2023 dua të boksoj në Kosovë përpara 25 mijë tifozëve
Boksieri kosovar me famë botërore, i cili karrierën e tij e ka krijuar në Gjermani, Haxhi Krasniqi po e planifikon rikthimin e madh në boksin profesionist në vitin që po vjen, duke u zotuar pë të zhvilluar meq edhe para publikut kosovar. Boksieri kosovar e humbi titullin e kampionit të botës pas humbjes kontroverse nga Dominic Bösel, pas së cilës u ankua pasi konsideroi se iu bë e padrejtë. Boksieri 35 vjeçari po bëhet gati për një rikthim në ring në vitin 2023 pasi synon ta rikthejë brezin e artë në boks, transmeton "Kosova Sot Online".
Me gjasë, Robin Krasniqi do të zbresë në ring në muajin shkurt.
“Për mua, Munichu është vendi perfekt për luftën e radhës sepse këtu është vendi ku fillova të boksoja në Gjermani dhe ku prindërit e mi jetojnë ende këtu”, deklaroi Krasniqi në një takim që e pati me lojtarët e volejbollit të klubit WWK Volleys Herrsching. Ndërkohë, një ëndërr e madhe për boksierin nga Juniku është që të boksojë në vendin ku u lind e ku u rrit. “Dua të boksoj në stadiumin e futbollit përballë 25 mijë spektatorëve në Kosovë në muajin gusht”, premton ai. Krasniqi këtë vit nuk mundi të boksonte pasi iu përkushtua familjes pasi u bë baba. “Unë gjithmonë e kam ëndërruar një familje të madhe dhe të shëndetshme. Jam pjekur shumë pasi jam bërë baba. Boksi më ka bërë më të fortë, fizikisht dhe mentalisht. Gjithmonë jam munduar t’i transferoj mësimet nga ringu në jetën time private”, nënvizoi ai. Pra, viti 2023 do të jetë mjaft i ngjeshur për Krasniqin, me së paku dy meçe.
(Kosova Sot Online )
