Lexoni edhe:
Ky është formacioni me futbollistët më të shtrenjtë që do të marrin pjesë në Kupën e Botës
Lionel Messin e pret edhe një rekord i madh në Kupën e Botës, nëse shkon deri në finale me Argjentinën
Lionel Messi ka edhe një shans historik për të krijuar histori të re në Kupën e Botës në Katar, dhe jo vetëm duke e fituar turneun. Nëse Argjentina kalon në finale dhe ai luan në çdo ndeshje, 35-vjeçari do të shkruante rekord me 26 paraqitje në Kupën e Botës, transmeton "Kosova Sot Online".
Në një rast tjetër, Messi së paku mund të barazojë rekordin e 25 paraqitjeve në këtë turne, që mbahet nga Lothar Matthaus i Gjermanisë. Matthäus luajti në pesë turne radhazi midis viteve 1982 dhe 1998, teksa regjistroi tri paraqitje në finale dhe ishte fitues i një Kupe të Botës.
Këtë vit, Messi do t’i bashkohet futbollistëve që janë paraqitur në pesë Kupa të Botës, së bashku me Cristiano Ronaldon e Portugalisë dhe dyshen e Meksikës, Andres Guardado dhe Guillermo Ochoa. Fitimi i Kupës së Botës me Argjentinën do të ishte padyshim kulmi i karrierës së shtatë herë fituesit të “Topit të Artë”.
(Kosova Sot Online )
