Granit Xhaka kapiten Zvicrës në ndeshjen e parë të Botërorit "Katari 2022"

Futbollisti kosovar Granit Xhaka  do ta ketë sonte rolin e kapitenit  Zvicrës  në  ndeshjen e parë në Botëror kundër Kamerunit në kuadër të Grupit G të Katari 2022. Zvicra kishte befasuar të gjithë pasi që u kualifikua nga vendi i parë në Botëror, para kampionit të Europës Italisë duke arritur kështu pjesë marrjen e saj të 12 në Botëror. Historia i favorizon ata në ndeshjen e tyre të parë kundër Kamerunit, pasi që zviceranët nuk i kanë humbur pesë ndeshjet e tyre të para në Botëror, duke barazuar në tri të tilla dhe fituar dy.

Lexoni edhe:

Super skandal në Botërorin 2022, ndeshja Belgjikë – Kanada drejtohet nga gjyqtari i suspenduar për korrupsion

Megjithatë, ata do të përballën për herë të parë me Kamerunin në Botëror dhe nënvlerësimi ndaj kundërshtarëve mund të këtë pasoja të konsiderueshme. Kameruni nuk është Kombëtare e vogël në Botëror pasi që është kualifikuar tetë herë në këtë garë, më shumë se tërë vendet afrikane. Por, rekordi i tyre në Botëror nuk është i mirë pasi që kanë humbur gjashtë nga shtatë ndeshjet e tyre të fundit në të. Ata shpresojnë që të barazojnë Zvicrën. Për Zvicrën normalisht titullar janë Granit Xhaka, i cili do të jetë edhe kapiten i skuadrës si dhe Xherdan Shaqiri. Nga kosovarët në skuadrën e Zvicrës nuk ka startuar vetëm Ardon Jashari. Sulmit të Zvicrës, përpos Shaqirit  i prin futbollistët si Sow, Vargas dhe Embolo.  Në anën tjetër sulmit të Kamerunit do t’i prijë lojtari në top formë Eric Maxim Choupo-Moting.

 

Formacionet zyrtare:

Zvicëra

 

Kameruni

Ndeshja fillon në orën 11:00 në stadiumin Al Janoub të Dohas në Katar.

(Kosova Sot Online )