Vendim i çuditshëm i Emiliano Martinez, paguan 22 mijë euro për një qen që t’ia ruajë medaljen e fituar në Botëror

Portieri i Argjentinës dhe Aston Villa , Emiliano Martinez, ka kërkuar të mbrojë medaljen e fituesit të Kupës së Botës duke paguar 22,000 euro për një qen roje, transmeton "Kosova Sot Online".

30-vjeçari ishte një pjesë kyçe e suksesit të kombëtares së tij në Botëror, pasi ai mori dorezën e artë dhe mbrojti dy penallti gjatë turneut në Katar, por është kritikuar për veprimet e tij në finale dhe në festime pas triumfit.

Martinez ka blerë një qen roje belg Malinois, i cili është përdorur nga SAS dhe US Navy Seals në zonat e luftimit, sipas Daily Star.

Qeni roje thuhet se kushton një minimum prej 22,000 euro dhe peshon deri në 30 kilogramë.

Lexoni edhe:

A e përmbushi futbollin Messi!

Martinez thuhet se e bëri blerjen nga Elite Protection Dogs me synimin për të mbrojtur familjen e tij në Ëest Midlands si dhe medaljen e fituesit të Kupës së Botës.

Disa yje janë përpjekur të rrisin sigurinë e tyre në vitet e fundit, me dhjetëra futbollistë të nivelit të lartë që kanë pasur shtëpitë e tyre në shënjestër të hajdutëve.

Trajneri i Arsenalit, Mikel Arteta dhe portieri francez Hugo Lloris janë ndër yjet e futbollit që kanë blerë qen roje nga kompania në të kaluarën.

Ish-yjet e Anglisë, Ashley Cole dhe Jack Wilshere, dhe kampioni botëror i boksit në peshat e rënda, Tyson Fury, kanë përdorur gjithashtu kompaninë.

(Kosova Sot Online )