Lexoni edhe:
Cristiano Ronaldo te Al-Nassr, një përballje serioze e pritshme me Lionel Messin
E ka nisur me këmbë të mbarë vitin 2023, e thyen heshtjen Vedat Muriqi
Vedat Muriqi flet pasi e nisi vitin e ri në mënyrë fantastike. Sulmuesi kosovar shkëlqeu në të 16-ën e finales së Copa del Rey duke e shënuar një gol dhe duke asistuar në fitoren 2:0 ndaj Ponteverda CF në Estadio Municipal de Pasaron, shkruan "Kosova Sot Online".
Përfaqësuesi kosovar u inkuadrua në lojë në minutat e fundit, ndërsa fillimisht asistoi në golin e Abdon Prats, e më pas shënoi edhe vetë.
Ai ndihet i lumtur që e ndihmoi ekipin, ndërsa pret që skuadra ishullore ta nisë mirë vitin edhe në La Liga, duke nisur nga e shtuna.
“E dinim se do të ishte një ndeshje e vështirë në një fushë të vështirë. Por, ne fituam dhe gjëja më e rëndësishme e kësaj loje ishte të kalonim në rundin tjetër. Tash duhet ta harrojmë këtë lojë sepse e kemi një lojë të madhe në shtëpi të shtunën”, deklaroi fillimisht 28 vjeçari pas lojës.
“Jam sulmues dhe nëse shënoj dhe nëse ekipi im fiton, është e qartë se jam mjaft i lumtur. Një gol nga demoni dhe një nga pirati”, vazhdoi ish-futbollisti i Rizesporit, Fenerbahçes e Lazios,
Muriqi e kaloi një vit fantastik me Mallorcën, ndërsa do të mundohet ta vazhdojë atë edhe më 2023.
(Kosova Sot Online )
