Lexoni edhe:
Cili shtet i pari e pranoi propozimin e Infantinos për të emëruar stadiumin me emrin e legjendës braziliane të futbollit Pele
Dështon përpjekja e Chelseat në bisedime me Benficën për transferin e Enzo Fernandez
Negociatat mes klubeve Chelsea dhe Benfica për mesfushorin argjentinas Enzo Fernandez, thuhet se kanë dështuar tashmë, transmeton "Kosova Sot Online ".
Fernandez ka qenë subjekt i spekulimeve intensive të transferimeve pas paraqitjeve brilante me Argjentinën në Kupën e Botës “Katar 2022”.
Fituesi i Kupës së Botës luajti në Katar dhe fitoi çmimin e Lojtarit më të mirë të ri të turneut dhe kjo e bëri një cak të madh të klubeve elitare evropiane.
Mesfushori ka qenë i lidhur fort me një lëvizje në Ligën Premier, me Liverpoolin dhe Manchester Unitedin që mendohet se po e ndjekin 21-vjeçarin.
Për të mos përmendur Chelsean, i cili dukej se ishte favorit për të transferuar mesfushorin e talentuar.
Por gazetari amerikano- jugor Cesar Luis Merlo ka zbuluar se bisedimet mes Chelseat dhe Benficas kanë dështuar, ashtu sikurse u konfirmua lajmi edhe nga Fabrizio Romano.
Reklama
“Negociatat që Enzo Fernandez të shkonte te Chelsea dështuan: Benfica hoqi dorë nga shitja e tij jashtë klauzolës pas disa ditësh negociata”, shkroi ai në Twitter.
Klubi portugez dëshiron që gjigantët anglezë të paguajnë paraprakisht klauzolën e lirimit të lojtarit prej 106 milionë funtesh apo 120 milionë eurosh.
Blutë kishin propozuar një marrëveshje që do t’i shihte ata të paguanin tarifën në tre këste për të shmangur kufizimet financiare të Fair Play.
(Kosova Sot Online )
