Lexoni edhe:
Djali i Ronaldinhos fillon provën te Barcelona, me sukses po ndjek hapat e babait legjendar
Drejtori i Barcelonës nuk e kundërshton mundësinë që Depay të largohet gjatë janarit
"Kosova Sot Online" shkruan se drejtori sportiv i Barcelonës, Matheu Alemany, e ka lënë të hapur mundësinë për largimin e Memphis Depayt në afatin kalimtar të janarit.
Xavi ka pohuar se nuk dëshiron që askush të largohet, por nëse ka një lojtar që ka gjasa ta bëjë këtë, sulmuesi holandez mund të jetë ai – transmeton "Kosova Sot Online".
Depay është në fund të renditjes për sa i përket opsioneve të sulmit të Barcelonës.
Duke folur për “Sport”, Alemany lavdëroi 28-vjeçarin, por nuk e përjashtoi mundësinë që ai të largohet.
“Do të shohim. Ai është një lojtar i jashtëzakonshëm dhe askush nuk do të jetë i tepërt. Ai ka shumë cilësi… Unë nuk mund t’i parashikoj gjërat”, tha fillimisht ai.
“Jemi të kënaqur me skuadrën që kemi bërë. Është e thellë dhe ka shumëllojshmëri, por ne jemi të vetëdijshëm dhe të vëmendshëm ndaj gjithçkaje, megjithëse nuk ka urgjencë”
Kontrata e Depayt me Barcelonën skadon pas përfundimit të sezonit aktual.
(Kosova Sot Online )
