Lexoni edhe:
Lajm tragjik nga sporti: Të paktën një i vrarë dhe dhjetëra të plagosur para ndeshjes Irak-Oman
Skriniar refuzon Interin, nuk do ta nënshkruajë kontratën e re
Milan Skriniar thuhet se tani ka informuar Interin se nuk do të nënshkruajë propozimin për kontratë të re, kështu që është i hapur për të vlerësuar të gjitha opsionet e tjera, përcjell "Kosova Sot Online".
Vendimi kishte qenë në ajër duke marrë parasysh se propozimi prej 6 milionë euro plus bonuset ishte në tavolinë për disa javë pa asnjë përgjigje.
Megjithatë, kjo nuk do të thotë se Skriniar sigurisht që do të largohet si lojtar i lirë kur marrëveshja e tij aktuale të skadojë më 30 qershor.
Ai ka njoftuar klubin se për momentin nuk do të nënshkruajë propozimin për kontratë të re nga Interi dhe do të marrë pak kohë për të shqyrtuar të gjitha opsionet e tjera nga klube të ndryshme.
Paris Saint-Germain ka ofruar tashmë shumë më shumë, praktikisht duke dyfishuar pagën që mund të ofrojë Interi, ndërsa Tottenham Hotspur, Chelsea dhe shumë skuadra tjera janë gjithashtu të interesuar për të ardhmen e tij.
Skriniar tani do të dëgjojë propozimet dhe do të shohë se çfarë është më mirë përpara se të vendosë se çfarë të bëjë.
Sidoqoftë, kjo është një goditje e madhe për Interin, i cili hodhi poshtë ofertat nga PSG që arrinin mbi 60 milionë euro në verë, pasi ata ishin të bindur se Skriniar do të nënshkruante një kontratë të re.
Klubi e ka bërë të qartë se kjo pagë është maksimumi që mund të ofrojnë dhe kontrata nuk do të përmirësohet.
(Kosova Sot Online )
