Lexoni edhe:
Vjen dënimi i dyfishtë kundër Dani Alves, pasi u arrestua nën akuzën për sulm seksual përjashtohet edhe nga klubi
Juventusi refuzon masën e ndëshkimit, nuk pranon heqjen e 15 pikëve
Juventusi ka lëshuar një deklaratë të menjëhershme në përgjigje të vendimit të Gjykatës së FIGC për t’i dhënë atyre një zbritje prej 15 pikësh në rastin e fitimeve kapitale, transmeton "Kosova Sot Online".
Prokurori i FIGC-së, Giuseppe Chine i kërkoi Gjykatës Federale të Apelit t’u jepte Bianconerëve një zbritje prej nëntë pikësh dhe ndalime të ndryshme për drejtorët aktualë dhe ish-drejtorët, përfshirë Andrea Agnellin, Fabio Paraticin dhe Maurizio Arrivabenen.
Gjykata Federale e Apelit vendosi të premten në mbrëmje t’i japë Juventusit një zbritje prej 15 pikësh, si dhe një ndalim dy-vjeçar për Agnelli dhe Arrivabene. Paratici u pezullua me dy vjet e gjysmë dhe Pavel Nedved me tetë muaj pezullim. Këto sanksione ndahen nga UEFA dhe FIFA, duke vënë në rrezik serioz pozicionin e Paraticit te Tottenham.
Dënimi e lë Juventusin në vendin e 10-të në tabelën e Serisë A me 22 pikë dhe pa një drejtor sportiv, pasi Federico Cherubini është pezulluar për 16 muaj.
Juventus lëshoi një deklaratë, duke konfirmuar se ata kanë filluar procesin e apelimit në Collegio di Garanzia dello Sport të CONI.
Më poshtë njoftimi i plotë i Juventusit:
Juventus Football Club SpA (“Juventus” ose “Kompania”) informon se Gjykata Federale e Apelit, Seksionet e Unifikuara, duke pasur parasysh ankesën për revokim në bazë të nenit 63 të Kodit të Drejtësisë Sportive të paraqitur nga Prokuroria Federale, deklaroi ankesa për revokimin e pranueshme dhe si rrjedhim anuloi vendimin e Gjykatës Federale të Apelit, Seksionet e Unifikuara, Nr. 0089/CFA2021-2022, datë 27 maj 2022 dhe, si rezultat, urdhëroi dënimin prej 15 pikësh në renditje në sezonin aktual dhe ndalimi i përkohshëm për Drejtorin Sportiv, Federico Cherubini, nga kryerja e aktiviteteve në kontekstin e FIGC për 16 muaj, me një kërkesë për zgjatje në kontekstin e UEFA-s dhe FIFA-s.
Në bazë të vendimit të revokuar, Gjykata Federale e Apelit kishte hedhur poshtë ankesën (“reclamo”) të paraqitur nga Prokuroria Federale kundër vendimit të Gjykatës Kombëtare Federale, e cila, nga ana tjetër, kishte liruar Juventusin dhe palët e tjera të akuzuara për shkak të mungesës së ndonjë shkeljeje disiplinore në lidhje me vlerësimin e efekteve të transfertave të caktuara të të drejtave të lojtarëve në pasqyrat financiare dhe llogaritjen e fitimeve kapitale.
Kompania pret publikimin e arsyeve të vendimit dhe njofton që tani paraqitjen e një apeli në Bordin e Garancive Sportive (Collegio di Garanzia dello Sport) në përputhje me kushtet e Kodit të Drejtësisë Sportive.
Kosova Sot Online )
