Azpilicueta për lëndimin: Më kujtohet korneri

Pas dëmtimit “horror”, që pësoi ndeshjen e së shtunës ndaj Southampton, i cili e detyroi të transportohej menjëherë për në spital, ditën e sotme, mbrojtësi i Chelsea, Cesar Azpilicueta me anë të një video-mesazhi ka qetësuar fansat e “bluve”.

Ai u lëndua keq, duke marrë një goditje në kokë dhe duke humbur ndjenjat

Pas këtij lëndimi, ai është kthyer në stërvitje, teksa tregoi rreth rastit.

“Ndihem mirë. Është mirë të kthehem pas shtrimit në spital dhe të ndjek stërvitjen. Aksidenti ishte i frikshëm, kryesisht për shkak të njerëzve që më rrethonin, sidomos për familjen time. Gjëja e fundit që mbaj mend është këndi që duhej marrë dhe gjëja e parë që dëgjoj kur zgjohem është tifozët që thërrasin emrin tim. Dua t’i falënderoj të gjithë, tani duhen disa ditë për t’u rikuperuar plotësisht dhe më pas do të rikthehem gradualisht në fushë”,- ka thënë Azpilicueta.

(Kosova Sot Online)