Lexoni edhe:
Kosova me fanella të reja, nënshkruan kontratë tre vjeçare me kompaninë italiane
Paris Saint-Germain dhe Interi po përcjellin vëmendje Thiago Mottas te Bologna
Raportimet në media zbulojnë se si Paris Saint-Germain ashtu edhe Interi po ndjekin nga afër punën e trajnerit Thiago Motta te Bologna nw Serie A. Të dy klubet me sa duket po mendojnë për pasardhës të mundshëm të trajnerëve të tyre përkatës, me parisienët ende të pa bindur për aftësinë e Christophe Galtier për të menaxhuar me sukses klubin, përcjell "Kosova Sot Online".
Interi dëshiron një vend në top katërshe mbi gjithçka tjetër dhe nëse nuk e arrin këtë mund të shohë që Inzaghit t’i tregohet dera. Sipas Corriere di Bologna, PSG dhe Inter po ndjekin punën e Thiago Mottas në Bologna, duke besuar se ai mund të jetë një trajner interesant, duke vlerësuar taktikat e tij dhe aftësitë e tij menaxhuese. Edhe pse këto janë vetëm thashetheme, gjërat mund të ndryshojnë në muajt e ardhshëm. 40-vjeçari italo-brazilian kaloi kohë me të dy klubet gjatë karrierës së tij si lojtar dhe kaloi një vit në krye të skuadrës U-19 të PSG-së.
Që nga ardhja e tij në kryeqytetin Emilia-Romagna, Thiago Motta ka mbikëqyrur ekipin në 19 ndeshje me mesatarisht 1.53 pikë për ndeshje. Skuadra aktualisht ndodhet në pozitën e tetë në tabelën e Serie A, nëntë pikë prapa vendeve evropiane.
(Kosova Sot Online )
