Ancelotti: Do të doja të kaloja kohë me Simeonen

Real Madridi do të përballet me Atletico Madridin në “Santiago Bernabeu” të shtunën dhe ndërsa derbi i Madridit tenton të jetë një ndeshje e nxehtë, trajnerët të paktën janë me të gjithë lavdërime për njëri-tjetrin.

Përpara ndeshjes, disa nga komentet e Diego Simeones iu drejtuan Carlo Ancelottit nga reagimi pas ndeshjes gjatë derbit të janarit.

Argjentinasi kishte thënë për homologun e tij se i pëlqente sepse ishte inteligjent dhe se do të donte të mësonte nga Ancelotti.

Duke folur përpara ndeshjes të së shtunës, Ancelotti tha se nuk kishte asgjë për të mësuar, por do donte të kalonin kohë bashkë me Simeonen.

“Do të doja të kaloja kohë me të sepse ne e duam futbollin. Ai nuk ka asgjë për të mësuar nga unë. Nuk e kam parë kurrë se si punon dhe do të doja të shihja se si është puna e tij e përditshme”, ka thënë fillimisht Ancelotti.

“Kjo të jep gjithmonë më shumë njohuri, duke parë sesi pjesa tjetër e trajnerëve e përgatisin lojën. Aty mësoni. Ndoshta pas ndeshjes ai mund të më tregojë se si e përgatiti atë dhe unë do t’i tregoj se si e përgatita ndeshjen”.

Duke iu rikthyer temës më vonë në konferencën për shtyp, Ancelotti përsëri deklaroi se ai ishte mirënjohës për trajnerin kundërshtar.

“Më pëlqen Simeone si person. Ai është shumë i sinqertë në vlerësimin e ndeshjeve. Nuk duhet të harrojmë se suksesi i Atleticos në vitet e fundit është në identitetin që trajneri ka arritur t’u japë atyre”, përfundoi italiani.

(Kosova Sot Online)