Tabela pas 23 xhirove në Superligën e Kosovës

Me dy ndeshjet e ditës së sotme ka përfunduar java e 23-të në Superligën e Kosovës në futboll.

Prishtina dhe Ballkani u ndanë baraz 2:2 në derbin e madh të kësaj jave

Pa fitues e pa gola është mbyllur ndeshja mes Trepçës’89 dhe Malishevës e zhvilluar në stadiumin “Riza Lushta” në Mitrovicë.

Pas 23 javëve, Ballkani mbetet lider me 49 pikë, por tani Drita afrohet në dy pikë në vendin e dytë.

Gjilani e ka “blinduar” vendin e tretë në tabelë me 38 pikë, shtatë më shumë se Prishtina që gjendet e katërta.

Në vendin e pestë është Llapi me 29 pikë, i ndjekur nga Dukagjini me tri më pak.

E shtata është Malisheva me 25 pikë, kurse Drenica e Trepça’89 kanë nga 23 pikë në vendin e tetë, respektivisht të nëntë.

I fundit në renditjen tabelare është Ferizaj me 21 pikë të grumbulluara. 

(Kosova Sot Online)