Lexoni edhe:
Mos nënshkrimi i planit franko-gjerman, bartë pasoja edhe për Kosovën edhe për Serbinë
Thellohet skandali me zbulime të reja, Negreira ka dërguar edhe disa raporte në zyrat e Barcelonës
Zbulimet e reja vazhdojnë të dalin rreth rastit “Negreira”, pas konfirmimit të akuzave ndaj Barcelonës për “korrupsion të vazhdueshëm sportiv”, i cili u konfirmua javën e kaluar, përcjell "Kosova Sot Online".
Klubi katalunas pretendon se e kanë paguar Enriquez Negreira, ish-zëvendëspresident i Komitetit të Gjyqtarëve, për raportet skautuese dhe raportet mbi gjyqtarë të veçantë që janë përdorur nga ekipi i parë për t’i menaxhuar më mirë ata në fushë.
Shembulli i parë i këtyre raporteve është zbuluar, sipas Libertad Digital. Letrat u sekuestruan pas një kontrolli në shtëpi të ish-drejtorit të Barcelonës, Josep Contreras, i cili vdiq në dhjetor.
Raportet, të titulluar si “raporte konfidenciale të arbitrazhit”, ishin zakonisht dy deri në tre faqe dhe ishin të mbushura me gabime drejtshkrimore. Një shembull i shfaqur ishte për ndeshjen midis Barcelonës dhe Mallorca në vitin 2012, e cila u arbitrua nga Ignacio Iglesias Villanueva.
Raporti u përqendrua në të dhënat personale të Iglesias Villanueva rreth rekordit të tij për Barcelonën dhe Mallorca, ndërsa u rendit edhe një profil personal.
Presidenti i Barcelonës, Joan Laporta ka thënë se klubi është i pafajshëm dhe ai është në proces të kryerjes së një hetimi të brendshëm për rastin “Negreira”.
(Kosova Sot Online )
