Lexoni edhe:
Patrick Vieira dhe Crystal Palace kanë vendosur ti ndajnë rrugët
Kosova mbetet edhe pa Mërgim Berishën, e grabiti Gjermania për miqësoret e marsit
Edhe pse Kosova është duke e pritur që një kohë të gjatë, Mërgim Berisha do të ftohet nga Kombëtarja e Gjermanisë për ndeshjet e muajit mars, transmeton "Kosova Sot Online", bazuar në raportimet e Sky Sport nga Gjermania.
Kjo është njoftuar nga gazetari i njohur i Sky Sport të Gjermanisë, Florian Plettenberg.
Gjermania do t’i luajë dy ndeshje miqësore në mars, pasi që është organizatore e Kampionatit Evropian dhe nuk merr pjesë në eliminatore.
Me këtë rast gjasat që Berisha t’i bashkohet Kosovës shkojnë në një pikë minimale, sidomos nëse paraqitet mirë për Gjermaninë.
Viteve të fundit, Kosova ka humbur një numër të konsiderueshëm të futbollistëve cilësorë, shumë prej të cilëve po preferojnë të luajnë për shtetet tjera.
Ka pasur raste kur edhe ekipet e shpresave të Kosovës janë braktisur për të luajtur për shtete tjera.
(Kosova Sot Online )
