Lexoni edhe:
Vieri ngre në "qiell" Interin: Ata janë më të fortë se Benfika, për mua zikaltërit shkojnë në finale
Debatik Curri: Me meritë morën tre pikët në Skenderaj
Prishtina është rikthyer te fitoret në kampionat pas dy barazimeve e një disfate, shkruan "Kosova Sot Online ".
Kryeqytetasit kanë triumfuar në udhëtim te Drenica me rezultat minimal 0-1 falë golit të shënuar nga qendërmbrojtësit Bujar Pllana. Trajneri i Prishtinës, Debatik Curri ka thënë se e arritën fitoren që ishte synimi kryesor, teksa shtoi se morën tre pikët me meritë.
“Të them të drejtën e kemi përgatitur mirë ndeshjen. Historikisht ndaj Drenicës kemi pasur probleme. Kemi pasur përballje të forta”.
“Por sot e kemi respektuar maksimalisht, sikur të ishte ndeshje ndaj skuadrës së Dritës apo Ballkanit që luftojnë për titull kampioni”.
“Kemi pasur orar të ngjeshur me shumë ndeshje dhe ka qenë lodhje për futbollistët. Atë që e deshëm, e arritëm”.
“Epilogu final ishte fitorja me meritë dhe këto tre pikë na ndihmojnë që të jemi më të qetë”, është shprehur Curri.
(Kosova Sot Online )
