Lexoni edhe:
Në gjyqësorin e Kosovës rikthehet repriza e vjetër e cirkut për “rigjykimin” e përgjegjësve të fryrjes së listave të veteranëve
Kroos kryqëzon Hazardin: Nuk më vije keq për të por...
Toni Kroos nuk ka simpati për shokun e skuadrës së Real Madridit, Eden Hazard, pasi ai shprehu publikisht zhgënjimin e tij për mungesën e minutave, përcjell "Kosova Sot Online".
Sulmuesi 32-vjeçar, i cili ka luftuar për të lënë përshtypje në Bernabeu që nga transferimi i tij prej 100 milionë euro nga Chelsea, së fundmi foli për mungesën e minutazhës gjatë një interviste me transmetuesin RTBF.
“Dua të luaj. Dua të argëtohem në fushë”, deklaroi Hazard. “Stërvitja është e mirë, por ajo që na mban gjallë janë ndeshjet. Shpresoj thellë brenda meje që mund të sjell diçka dhe se trajneri ende mbështet tek unë, shpresoj”.
Situata e Hazard vazhdon të jetë një pikë e madhe diskutimi në media dhe më gjerë, dhe tani, bashkëlojtari i tij te Real Madridi, Toni Kroos, ka dhënë mendimin e tij për situatën.
Duke folur për AS, mesfushori gjerman nuk tregoi asnjë mëshirë, duke thënë: “Dhembshuria nuk është në vend në futboll”.
“Unë nuk mendoj se Eden ka një jetë të keqe. Ju mund të ndiheni keq për njerëzit që po e kalojnë më keq. Nuk ka të bëjë me paratë, thjesht nuk më ka ardhur keq për askënd në futboll”.
“Sigurisht që situata ka qenë e vështirë për një kohë të gjatë, por në fund të fundit, secili është deri diku përgjegjës për gjendjen e tij. Prandaj mendoj se keqardhja është e pa vend”.
“E njoh shumë mirë Edenin, flasim shpesh, por më vjen keq vetëm për njerëzit që janë në situata shumë të këqija dhe Eden nuk është njëri prej tyre”, shtoi më tej Kroos.
Hazard ka luajtur vetëm 98 minuta futboll në La Liga këtë sezon, ndërsa Los Blancos përpiqen të vazhdojnë me Barcelonën në garën për titull.
(Kosova Sot Online )
