Giresse komenton vendimin për emërimin e Mbappes kapiten të Francës
Përzgjedhësi i Francës, Didier Deschamps, njoftoi sot zyrtarisht se ka emëruar kapiten të ri të ekipit kombëtar, Kylian Mbappen.
Sulmuesi i Paris Saint-Germainit mori shiritin e kapitenit pas pensionimit nga kombëtarja të Hugo Llorisit, kapitenit të parë, si dhe zëvendës-kapitenit, Raphael Varane
Ky vendim është komentuar nga shumë ish-futbollistë të mëdhenj francez, në mesin e tyre edhe nga Alain Giresse, tash përzgjedhës te Kombëtarja e Kosovës. Ai mbështeti homologun e tij francez, Didier Deschamps, për vendimin që mori.
“Që në momentin që nxjerrim profilin e një kapiteni, sigurisht që kërkojmë pjekuri, por duhet vënë në perspektivë në lidhje me atë që përfaqëson Mbappe. Ai është kapiten në përfaqësim”, tha Giresse për “AFP”.
“Është shumë shpërblyese për një skuadër të nxjerrë në pah këtë lojtar”, vijon Giresse, duke bërë një paralele me Argjentinën e Diego Maradonas apo Lionel Messit.
“Është emblematike t’u japësh shiritin në krah, sepse ata janë flamurtarët”, shtoi përzgjedhësi i “Dardanëve”.
Për Giressen statusi i superyllit dhe personaliteti ndonjëherë më përçarës i Mbappes, krahasuar me Hugo Llorisin, nuk paraqesin asnjë rrezik.
“Pse një rrezik? Ai është një personalitet i tanishëm, me mënyrën se si i shikon lojtarët e tanishëm, me ambicie, vendosmëri. Ai ka këtë mënyrë për t’iu qasur ndeshjeve në një mënyrë që është ndoshta më e shkëputur, por me të njëjtën bindje. Ai do të jetë në fazë me lojtarët e tjerë”, tha Giresse.
“Si të gjithë golashënuesit, ai do të pretendojë të ketë këtë formë të performancës. Do të duhet të jetë në gjendje të ketë pak vëmendje me të tjerët jashtë fushës, si çdo kapiten”, vazhdoi komentimin e tij 70-vjeçari.
I pyetur për zhgënjimin e mundshëm të Antoine Griezmann, i cili gjithashtu shihej si futbollisti ideal për t’u emëruar kapiten i Francës, Giresse tha: “Ne duhet ta dimë tashmë nëse ai ishte i interesuar. Nuk kam përshtypjen se ai donte thellë brenda tij. Ndikimi i tij në terren mund ta kënaqë atë mjaft. Ai është i mirë në këtë rol të lojtarit të rëndësishëm, në specifikën e tij. Është ai që lidh lojën”.
(Kosova Sot Online)
