FFK-ja reagon ndaj hetuesve që i morën në pyetje futbollistët

  • A.P /
  • 22 March 2023 - 17:26
FFK-ja reagon ndaj hetuesve që i morën në pyetje futbollistët

Federata e Futbollit të Kosovës ka reaguar pas ngjarjeve të fundit që e përfshinë këtë institucion.

Ushtruesi i detyrës së sekretarit të përgjithshëm të FFK-së, Taulant Hodaj e ka kritikuar hetuesinë, pasi zbulon se hetuesit kanë shkuar dhe i kanë shqetësuar futbollistët e Kombëtares duke i marrë ata në pyetje pa pasur urdhër.

Federata e Futbollit të Kosovës ka reaguar pas ngjarjeve të fundit që e përfshinë këtë institucion.

Ushtruesi i detyrës së sekretarit të përgjithshëm të FFK-së, Taulant Hodaj e ka kritikuar hetuesinë, pasi zbulon se hetuesit kanë shkuar dhe i kanë shqetësuar futbollistët e Kombëtares duke i marrë ata në pyetje pa pasur urdhër.

Gjithashtu, ai ka paralajmëruar se do të ndërmerren veprime ligjore ndaj hetuesve pasi që nuk i kanë respektuar veprimet ligjore, shkruan “Gazeta Express”.

“Ne jemi për zbatim të ligjit dhe drejtësia t’i hetojë të gjitha ato që janë të bazuara në ligj. Mendojmë se momenti dhe mënyra se si janë ballafaquar lojtarët e kombëtares, stafi, fatkeqësisht lë shumë për të dëshiruar, duke marrë parasysh se jemi një ditë apo dy para udhëtimit për në Izrael. Duke e pasur parasysh formën dhe përgatitjet që janë bërë dhe shanset ideale që i kemi, kjo ka qenë një goditje për futbollin e Kosovës, posaçërisht për kombëtaren në këtë moment”, u shpreh Hodaj në konferencë për shtyp.

“Por, ne assesi nuk jemi kundër drejtësisë, vetëm të bëhet në përputhje me normat ligjore. Fatkeqësisht ne jemi informuar nga stafi i kombëtares dhe lojtarët që dje ka pasur shqetësime të jashtëzakonshme për ta në hotel që nuk do të duhej të ishin, por sidoqoftë ato do të adresohen në organet përkatëse. Pra, hetuesit kanë bërë shkelje duke i marrë në pyetje lojtarët pa pasur urdhër dhe për çështje që nuk ju përkasin atyre. Ne do të ndërmarrim masa ligjore ndaj tyre”, ka vazhduar ai.

“Kanë qenë anëtarë nga hetuesia, që nuk janë paraqitur që janë të tillë dhe ne nuk e kemi ditur që janë të tillë. Ne besojmë në gjykatën që do ta thotë fjalën e fundit dhe do t’i eliminojë të gjitha ato parregullsitë ligjore që ne konsiderojmë që nuk kanë qenë në konformitet me ligjet e aplikueshme në Kosovë. Këto sfida që po ballafaqohemi do të na bëjnë edhe më të fortë për dy sfidat kruciale që na presin për kualifikim në Evropian”, vazhdoi Hodaj.

Kreu i FFK-së u ndal për 48 orë pasi ngarkohet me disa vepra penale. 

(Kosova Sot Online)