Ansu Fatin Barcelona po planifikon ta shesë
Barcelona është lodhur duke e pritur Ansu Fatin.
Gjiganti katalunas është duke menduar ta shesë sulmuesin spanjoll.
Lajmin e ka bërë të ditur mediumi spanjoll “Fichajes”
Gjatë verës, Barça do ta vlerësojë çështjen e futbollistit të ri, i cili është përballur me lëndime të njëpasnjëshme viteve të fundit.
Dhe, duke e pasur parasysh se kanë nevojë t’i rrisin fondet, katalunasit mund të vendosin ta shesin përfaqësuesin e ri spanjoll, nga i cili prisnin shumë më tepër.
Fati shpërtheu në fillim të karrierës pasi debutoi me “Blaugrana”, por më pas nisi “të shuhej” dhe nuk ka mundur më asnjëherë ta gjente formën e dikurshme.
Krahas Fatit, Barcelona po mendon ta shesë edhe Frenkie de Jongun, i cili i rezistoi largimit në verën e kaluar.
(Kosova Sot Online)