Cristiano Ronaldo shëtitje nëpër Madrid me një Bugatti vlerë 8 milionë euro

  • S.A /
  • 30 March 2023 - 14:03
Cristiano Ronaldo  shëtitje  nëpër Madrid me një Bugatti vlerë 8 milionë euro

Cristiano Ronaldo u shfaq për herë të parë në publik mbrëmjen e djeshme me Bugatti-n Centodieci të tij të ri, një nga makinat më të shtrenjta në botë. Futbollisti portugez e bleu Bugatti Centodieci në shkurt të vitit 2021 dhe iu dorëzua vetëm një muaj më parë, transmeton "Kosova Sot Online ".

Arsyeja është se kjo makinë ultra-sportive me dy ulëse është bërë në vetëm dhjetë kopje, kështu që njerëzit që shpenzuan nga tetë milionë euro secili duhej të prisnin që makinat të montoheshin në Molsheim.

Ronaldo ka vizituar Madridin pas përfundimit të detyrave të kombëtares dhe me atë rast ka marrë për herë të parë për një shëtitje në publik “bishën” e tij të re.

Me 1600 kuaj fuqi, 100 km/h i arrin për 2.4 sekonda, teksa shpejtësia maksimale përllogaritet në 420 km/h.

Tifozët e Ronaldos që ndodheshin në rrugët e Madridit u gëzuan pa masë dhe të emocionuar filmuan portugezin duke drejtuar supermakinën.

(Kosova Sot Online )