Ish-kolegu i Georginas nxjerr sekretet e saj: Ishte gjithmonë arrogante, donte të lidhej me një milioner

Georgina Rodriguez është rikthyer sërish në qendër të vëmendjes, pas premierës së sezonit të dytë të serialit të saj të suksesshëm në Netflix me titull ‘I Am Georgina’, transmeton "Kosova Sot Online ".

Partnerja e Cristiano Ronaldos ka treguar më herët se yllin portugez e ka takuar për herë të parë në dyqanin e markës “Gucci” ku ajo punonte në qendër të Madridit, shkruan Marca. Por tani, përdoruesi i TikTok, Pablo Bone, ka pohuar se ka punuar me Georginan, të cilën ai e etiketoi si arrogante edhe para se ajo të takonte Cristianon.

“Kam punuar me Georgina Rodriguezin në ‘Gucci’ rreth dy muaj apo më shumë përpara se ajo të bëhej një personazh i famshëm”, tha Bone.

“Kemi përkuar disa herë duke punuar në dyqan, ajo ishte në seksionin e femrave dhe unë në atë të meshkujve”.

“E kisha parë Cristianon disa herë në dyqan para se të takoheshin dhe e vërteta është se ka shumë gjëra që u thanë për Cristianon dhe Georginan”.

“Georgina ka qenë gjithmonë e tillë, edhe sikur të mos kishte shumë para apo të mos kishte paratë që ka tani, gjithmonë e kishte këtë atmosferë arrogance dhe superioriteti”.

“Në fund, ajo ishte gjithmonë në kërkim të suksesit të madh dhe kjo është arsyeja pse ajo punoi në firma të ndryshme luksoze. Ajo njihte shumë njerëz në botën e jetës së natës në Madrid”.

Deklaratat e Bone në TikTok shkojnë shumë më tej, pasi ai tregon se Georgina ishte tashmë ambicioze dhe kishte në mendje të martohej me një milioner. 

“Siç e dinë të gjithë, Georgina ka thënë se u takua me Cristianon kur ai po hynte në dyqanin ‘Gucci’ me disa miq dhe djalin e tij dhe ajo sapo po dilte nga dera, por nuk ishte kështu”, pohoi Bone.

“Kur Cristiano hyri në dyqanin ‘Gucci’, ne të gjithë u kthyem për ta parë, sepse ai është një burrë super i gjatë dhe këta lloj klientësh frekuentohen vetëm nga menaxherët e dyqaneve”, deklaroi ai.

(Kosova Sot Online )