Lexoni edhe:
Milot Rashica nuk largohet nga Turqia, dëshiron të qëndrojë te Galatasaray
Messi i pa disiplinuar, i dënuar, mungon në listën e PSG-së kundër Troyes pavarësisht se ka kërkuar falje
Lionel Messi nuk është në listën e skuadrës së Paris Saint-Germain për ndeshjen e nesërme të ligës kundër Troyes, pavarësisht mesazhit të tij të kërkim faljes së lëshuar të premten, në të cilin ai justifikohej se kishte udhëtuar në Arabinë Saudite për angazhime publicitare pa lejen e klubit, transmeton "Kosova Sot Online ".
PSG ka publikuar sot një listë që përfshin disa lojtarë vendas dhe nuk ka dhënë shpjegime për mungesën e Messit, i cili sipas mediave është sanksionuar prej dy javësh pa punë dhe rrogë. Në mesin e 19 të thirrurve për ndeshjen e kësaj të diele ka disa lojtarë të skuadrës së të rinjve dhe disa ‘veteranë’ si Marco Verratti, Marquinhos, Sergio Ramos dhe Gigi Donnarumma.
Në listë janë edhe spanjollët Carlos Soler, Juan Bernat, Sergio Rico dhe Fabián Ruiz, ndërsa braziliani Neymar vazhdon të përmbushë planin e rikuperimit për dëmtimin e kyçit të këmbës.
Rikthimi, më 21 maj?
Ndonëse PSG nuk ka dhënë detaje për pezullimin e Messit, mësohet se shtatë herë Topi i Artë dhe kampioni i botës me Argjentinën do të mungoj ndaj Troyes sot dhe në rast se klubi nuk i heq dënimin, ai nuk do të jetë kundër Ajaccios më 13 maj.
Rikthimi i tij i mundshëm do të ishte më 21 maj në Auxerre, në ndeshjen e javës së 36-të në Ligue 1 dhe kur parisienët tashmë mund të jenë kurorëzuar matematikisht kampionë të Ligës.
Lexo po ashtuMessi publikon video të pazakontë pas injorimit që i bëri PSG-së
Kërkim falja
Messi u përpoq t’i qetësonte gjërat të premten duke postuar një mesazh në llogarinë e tij në Instagram të ndjekur nga pothuajse 480 milionë në të cilin kërkoi falje për anashkalimin e stërvitjes më 1 maj, një ditë pas humbjes në shtëpi kundër Lorientit. Argjentinasi u justifikua duke pretenduar se angazhimet për të promovuar Arabinë Saudite si destinacion turistik ishin modifikuar në raste të tjera dhe se këtë herë nuk mund ta shtynte më. “Mendova se do të ishim të lirë pas ndeshjes , siç po ndodhte në javët e mëparshme”, tha ai.
(Kosova Sot Online )
