Lexoni edhe:
Akuzat e ambasadorit rus në Beograd: Perëndimi nuk po dëshiron ta krijojë Asociacionin
Ja si duket orari për tre xhirot e fundit në Superligën kosovare , të gjitha ndeshjet luhen në të njëjtën kohë dhe të njëjtën ditë
Tani jemi futur në javët vendimtare në elitën e futbollit kosovar Albi Mall Superligë. Deri më tani janë zhvilluar 33 xhiro ku përveç Drenicës që ka rënë nga elita e futbollit kosovar të gjitha skuadrat janë brenda objektivave. FFK ka publikuar edhe orarin e tre xhirove të fundit të cilat do të zhvillohen në të njëjtën kohë, transmeton "Kosova Sot Online ".
Xhiro e 34-të zhvillohet më 14 maj nga ora 15:00, xhiro e 35-të më 21 maj derisa kampionati përfundon në xhiron e 36-të me ndeshjet që luhen më 28 maj.
Drita dhe Ballkani po luftojnë për titullin e kampionit me nga 66 pikë që janë në krye.
Gjilanasit do të luajnë në udhëtim te rivali lokal Gjilani, presin Malishevën dhe përballen me Drenicën në udhëtim në ndeshjen e fundit.
Ndërkohë kampioni në fuqi Ballkani kërkon mbrojtjen e titullit në sfidat ndaj Llapit e Ferizajt në shtëpi dhe xhiron e fundit luajnë ndaj Gjilanit në udhëtim.
(Kosova Sot Online )
