Lexoni edhe:
Kurti: Me siguri javën e ardhshme i jap përgjigjen Borrellit për takimin e Brukselit
Edhe një medalje për Kosovën: Laura Fazliu ndahet e bronztë në Grand Slamin e Kazakistanit
Laura Fazliu ka arritur ta fitojë medaljen e bronztë në Grand Slamin e xhudos që po mbahet në Kazakistan.
Xhudistja kosovare në duelin për medalje të bronztë fitoi ndaj ruses Dali Liluashvili me waza-ari, transmeton "Kosova Sot Online".
Laura Fazliu shënoi dy fitore dhe humbi një deri në ndeshjen për repasazh.
Në xhiron e parë ajo ishte e lirë, në xhiron e dytë Fazliu mposhti me Ippon, garuesen vendase, kazakistanezen Esmigul Kuyulova.
Fazliu në çerekfinale humbi me Ippon, nga koreanja Jisu Kim.
Pas asaj ndeshje Laura u kualifikua të ndeshej në repasazh, ku mposhti me dy Wazaari për Ippon, rusen Kamila Badurova.
Akil Gjakova (-73 kg) u rendit i 7-ti, ai shënoi dy fitore dhe dy humbje.
Loriana Kuka (-70 kg) humbi me Ippon kundër holandezes Kim Polling në ndeshjen e parë dhe nuk vazhdoi tutje garën. Kurse dje, Nora Gjakova arriti të fitonte medaljen e argjendtë në kategorinë deri në 57 kilogramë.
(Kosova Sot Online )
