Lexoni edhe:
Tonali shpërtheu në lot kur u njoftua për vendimin e largimit
Allegri goditet rëndë nga oferta e Al-Hilal, a do të largohet nga Juventusi?
Massimiliano Allegri raportohet se po joshet shumë nga një ofertë serioze që ia ka bërë Al-Hilal, transmeton "Kosova Sot Online". Sipas mediave italiane, nuk përjashtohet edhe mundësia që ai të largohet nga Juventusi këtë verë, pasi ai ka marrë një ofertë shumë fitimprurëse.
Siç raportohet nga “Rai Sport”, Allegri u takua me përfaqësues nga Al Hilal në Monte Carlo në ditët e fundit.
Përfaqësuesit e klubit nga Arabia Saudite thuhet se i ofruan atij kontratë tre-vjeçare me vlerë prej 30 milionë eurosh.
Gjithashtu, trajnerit italian iu ofrua edhe një bonus nënshkrimi prej 10 milionë eurosh.
Deri më tani nuk ka ndonjë marrëveshje të arritur mes palëve, teksa mbetet të shihet nëse 55-vjeçari do të ndjekë rrugën e shumë futbollistëve, që po braktisin Evropën për Arabinë Saudite.
Ndryshe, Massimiliano Allegri me Juventusin ka kontratë të vlefshme deri në verën e vitit 2025.
(Kosova Sot Online )
