Samuel Umtiti mbetet futbollist i lirë, shkëput kontratën me Barcelonën
Samuel Umtiti ka shkëputur kontratën me Barcelonën.
Klubi katalonas njoftoi zyrtarisht këtë të premte për arritjen e marrëveshjes me francezin për ndërprerje të bashkëpunimit.
Umtiti me Barçën kishte kontratë të vlefshme deri në verën e vitit 2026.
29-vjeçari tani është futbollist i lirë, teksa mbetet të shihet se cili do të jetë klubi i tij i radhës.
Ai ishte transferuar në vitin 2016 te Barcelona nga Lyoni për 25 milionë euro.
Samuel Umtiti në sezonin e fundit luajti si i huazuar te Lecce.
(Kosova Sot Online)