Gerrard: Liga e Arabisë Saudite mund të jetë një nga më të mirat në botë

Steven Gerrard është zotuar të ndihmojë për ta bërë Ligën Pro Saudite një nga “ligat më të mira në botë” pasi mori drejtimin e Ettifaq.

Ish-kapiteni i Liverpool-it u emërua si trajneri i ardhshëm i klubit të Arabisë Saudite javën e kaluar.

“Ne të gjithë kemi një ambicie që të vazhdojmë të rritemi dhe të evoluojmë dhe ta bëjmë atë një nga ligat më të mira në botë”, tha Gerrard për klubin.

“Mendoj se klubi tashmë ka një kulturë të jashtëzakonshme, tashmë ka një mbështetje fantastike, ka një president vërtet të rëndësishëm – ne jemi gati të ndryshojmë në një president të ri – por bordi janë të gjithë në linjë, ata janë të gjithë ambiciozë, njerëz shumë të mirë që jap shumë kohë dhe përpjekje në klub, kështu që unë dua të jem pjesë e asaj kulture. Unë mendoj se klubi ka shumë njerëz të mirë që përfaqësojnë klubin nga bordi e poshtë. Kur zbrita në Arabinë Saudite pata një ndjenjë të vërtetë familjare, ata më bënë të ndihem jashtëzakonisht i mirëpritur”, u shpreh legjenda e Liverpoolit.