Giroud: Për Scudetto do të jenë në garë 5-6 skuadra

Futbollisti i Milanit, Olivier Giroud ka folur për synimet e “Rossoneri” në sezonin e ardhshëm.

Sulmuesi francez mendon se Serie A do të jetë mjaft interesante në edicionin 2023/24, ndërsa mendon se për Scudetto do të luftojnë disa skuadra.

Natyrisht, në mesin e tyre ish-futbollisti i Arsenalit dhe i Chelseat e përfshiu edhe ekipin Kuqezi, i cili e kishte fituar titullin e kampionit vitin e kaluar, ndërsa së fundmi e fitoi atë Napoli.

“Për Scudetto do të jenë kandidate 5-6 skuadra, njëjtë si vitin e kaluar dhe sikur para dy vjetësh. Napoli, Inter, Juve, Lazio e Roma. Do të jetë e vështirë, por jemi mjaft të gatshëm dhe të motivuar”, deklaroi fillimisht përfaqësuesi francez për “Milan TV”.

Ai foli edhe për turneun amerikan dhe për përgatitjet e gjysmëfinalistit të Ligës së Kampionëve atje.

“Ndjenjat janë të mira, por unë isha i lodhur paksa për këto ndeshje. Barcelona vrapoi shumë. Mund të përmirësohemi ende në presing. Jemi duke punuar. Jam i lumtur për djelmoshat e rinj, të cilët janë bërë pjesë e skuadrës. Ata e kanë një mentalitet të mirë, të duhur. Këto ndeshje do t’i shfrytëzojmë për t’u përmirësuar dhe për t’u bërë më të mirë kur të fillojë sezoni”, përfundoi Giroud. 

(Kosova Sot Online)