Ja kush përfshihet në misionin për transferimin e Lukakut

Presidenti i Romës, Dan Friedkin, raportohet se udhëtoi për në Bruksel për të provuar të finalizojë marrëveshjen për transferimin e Romelu Lukaku.

Giallorossi tani po udhëheqin garën për të nënshkruar me sulmuesin, duke kaluar Juventusin pas mungesës së progresit në negociata.

Drejtorët e Romës, Ryan Friedkin dhe Tiago Pinto, mbërritën në Londër në fillim të kësaj jave për të negociuar një marrëveshje me Chelsean dhe gjërat po ecin përpara pozitivisht, me dy klubet që planifikojnë të krijojnë një marrëveshje huazimi pa klauzolë të përhershme.

Siç raportohet nga “Calciomercato”, i moshuari Friedkin u nis me avionin e tij privat mbrëmë për në Bruksel, duke dashur të takohej personalisht me sulmuesin belg dhe përfaqësuesit e tij për të arritur marrëveshjen.

Drejtorët e klubit thuhet se janë ende në Londër duke u përpjekur të finalizojnë një marrëveshje me Chelsean, me klubin londinez që u përpoq të përfshinte opsionin e  detyrim blerjes në marrëveshje.

Ish-sulmuesi i Interit besohet se është i gatshëm të ulë pagën e tij në 8 milionë euro të ofruara nga Roma dhe bisedimet tani janë duke vazhduar me “Blutë” për të vendosur çmimin e huazimit, e cila pritet të jetë pak më shumë se 5 milionë euro.

Kujtojmë se 30-vjeçari për “Het Laatste Nieuws” dje se do të nënshkruante për Romën sot, por mund të duhet pak më shumë kohë për të përfunduar plotësisht marrëveshjen.

(Kosova Sot Online)