Lexoni edhe:
Pranverë 2024, Kurti kërkon normalizim raportesh me Serbinë përpara zgjedhjeve në SHBA
Eden Hazard po mendon të pensionohet nga futbolli
Futbollisti belg Eden Hazard mund të vendos fare shpejtë për t’u pensionuar nga sporti i futbollit, transmeton "Kosova Sot Online".
Belgu mbeti futbollist i lirë këtë verë, pas katër vjetëve të kaluara te Real Madridi.Ai tërhoqi interesimin e disa klubeve, por ende askush nuk ka arritur që ta bindë për të nënshkruar.
Sipas “FootMercato”, Al-Hilal, një klub nga MLS, Botafogo nga Brazili, si dhe klubet franceze Nice, Marseille e Lille tentuan të nënshkruajnë me Hazardin, por pa sukses.
Synimi i 32-vjeçarit tani thuhet se është të ndalojë gjithçka dhe të tërhiqet nga futbolli – pavarësisht se ata që e rrethojnë po përpiqen ta motivojnë dhe e këshillojnë të vazhdojë.
Madje, një përfaqësuese ka folur pak ditë më parë me klube të mëdha me qendër në Turqi. Kjo përfaqësuese mendon se mund të jetë një sfidë e re interesante për ish-reprezentuesin e Belgjikës.
Por, Hazard për momentin po qëndron i pa lëkundur dhe po shfrytëzon kohën e lirë për të kaluar kohën me familjen.
(Kosova Sot Online )
