Për sfidën e Shqipërisë ndaj Çekisë caktohet gjyqtari i njohur anglez
Kombëtarja e Shqipërisë do të luajë këtë muaj dy ndeshjet e radhës në kuadër të kualifikimeve për Kampionatin Evropian “Euro 2024”.
Shqipëria do të luajë në udhëtim ndaj Çekisë më 7 shtator, kurse pas tre ditësh e pret Poloninë.
UEFA ka zbuluar tashmë edhe emrat e gjyqtarëve për sfidën e “Kuqezinjve” ndaj çekëve.
Katërshja e gjyqtarëve janë nga Anglia.
Anthony Taylor do të jetë gjyqtari kryesor, kurse ndihmësit e tij do të jenë Gary Beswick dhe Lee Betts.
Craig Pawson është caktuar për në rolin e gjyqtarit të katërt.
(Kosova Sot Online)