Inzaghi rinovon kontratën me Interin
Simone Inzaghi ka rinovuar kontratën me Interin deri në verën e vitit 2025.
Klubi italian njoftoi sot zyrtarisht për arritjen e marrëveshjes me 47-vjeçarin.
“FC Internazionale Milano është i lumtur të njoftojë rinovimin e kontratës së trajnerit Simone Inzaghi. Falë marrëveshjes së re, trajneri do të jetë në krye të Nerazzurrëve deri në vitin 2025”, thuhet në njoftimin e klubit.
Inzaghi është pjesë e Interit që nga qershori i vitit 2021.
Ai ka fituar katër trofe gjatë kësaj periudhe; dy Kupa të Italisë dhe dy Superkupa të Italisë.
Italiani gjithashtu udhëhoqi “Nerazzurrët” sezonin e kaluar deri në finalen e tyre të parë të Ligës së Kampionëve pas 13 vjetësh, por pësoi humbje ndaj Manchester Cityt.
(Kosova Sot Online)