Përsëritet historia, breshka mund lepurin në garën e vrapimit

Fabula lepuri dhe breshka bëhet reale.

Një video e cila tashmë është bërë virale tregon një garë jo të zakonshme vrapimi.

Në garë është vënë një breshkë që mbahet si kafsha më e ngadaltë me një lepur që shquhet si kafsha më e shpejtë.

Siç pritej, lepuri filloi fuqishëm, por më pas u u shtri në mes të ngjarjes dhe pa se si breshka fitoi ngadalë, por me siguri, garën.

Video e publikuar ka marrë mijëra komente të mbushura me humor si:

‘ Lepuri meriton një Oskar për aktrimin e përsosur me skenarin për hir të njerëzimit’ .'  Jepini lepurit një Oscar ... ai e luajti rolin e tij në mënyrë perfekte.' 'Lepuri nuk po përpiqej të shkatërronte historinë tuaj të fëmijërisë.'

Po cila është fabula me të cilën ne jemi rritur dhe që tregon se e besimi i tepruar tek vetja dhe nënvleftësimi i kundërshtarit të çon në humbje? 

Një herë e një kohë, breshka dhe lepuri debatuan mbi faktin se kush ishte më i shpejtë.
“Unë vrapoj më shpejt!” bërtiti lepuri gjithë siguri.
“Nuk është e vërtetë! Unë jam më e shpejtë se ti.” ia ktheu aty për aty breshka.
Duke mos rënë dakord se kush ishte më i shpejti, të dy, vendosën që debatit t’i japin fund me një garë. Kështu, u vendosën në një rrugë që i ngjante një piste dhe u bënë gati për garën.
“Le të nisim garën!” tha lepuri.
“Jam gati!” shtoi breshka.
Lepuri bëri shenjën e nisjes dhe sa hap e mbyll sytë u zhduk fare. Pas një farë kohe, u ndal dhe kur pa sa larg ishte breshka, mendoi të pushojë pak nën hijen e një peme.
“Eh e shkreta breshkë! Edhe sikur të merrja një sy gjumë, prapë nuk do arrinte para meje.” tha lepuri i sigurt.
Kështu, vajti tek një pemë dhe u shtri sa gjerë-gjatë për të fjetur!
Breshka e arriti dhe e kaloi lepurin që ishte shtrirë duke fjetur. Kështu, ajo arriti para tij në finish, duke korrur një fitore të padiskutueshme.
Kur lepurit i doli gjumi, kuptoi se sapo kishte humbur garën.

(Kosova Sot Online)