Liga e Kampionëve vazhdon sot me tetë ndeshje shumë interesante në program për tu zhvilluar

  • S.A /
  • 20 September 2023 - 10:25
Liga e Kampionëve vazhdon sot me tetë ndeshje shumë interesante në program për tu zhvilluar

Gara më e madhe evropiane për klube, Liga e Kampionëve ka startuar ditën e martë me spektakël. Tetë ndeshje janë zhvilluar ku nuk kanë munguar befasitë dhe spektakli brenda fushës së blertë, transmeton "Kosova Sot Online".

Ndërkohë sot në program janë tetë ndeshje të tjera në grupet A,B,C dhe D.

Real Madridi pret Union Berlinin në ndeshjen e parë të ditës në Santiago Bernabeu me fillim nga ora 18:45.

Në të njëjtin orar zhvillohet edhe sfida në Stamboll ku Galatasaray është nikoqir i Copenhages.

Arsenali është rikthyer pas disa viteve në ‘Champions’, teksa takohet me PSV Eindhoven, derisa Benfica pret Salzburgun.

Braga do të përballet me Napolin ndërsa Sevilla pret Lensin.

Dy sfidat më të rëndësishme të mbrëmjes padyshim që janë ajo mes Bayern Munich – Manchester United si dhe Real Sociedad – Inter. 

(Kosova Sot Online )