Ndaj Mancinit Federata Italiane ndërmerr masa ligjore

Presidenti i FIGC, Gabriele Gravina thotë se federata italiane po shqyrton një veprim ligjor kundër ish-trajnerit të Azzurrit, Roberto Mancini.

Gravina foli pas një takimi të Këshillit Federal të enjten.

“Këshilli ka ngarkuar një profesionist që të japë një opinion teknik ligjor për të kuptuar nëse është e mundur të marrësh kompensim,” tha Gravina, cituar nga Repubblica.

Gravina shtoi se Këshilli do të diskutojë hapat e mëtejshëm pas opinionit të dhënë nga profesionisti i punësuar nga FIGC.

Mancini u tërhoq papritur si trajner i Italisë në gusht, duke nënshkruar me Arabinë Saudite vetëm disa javë më vonë.

Ish-trajneri i Italisë ka shpjeguar se largimi nga Azzurri nuk kishte lidhje me ofertën e Arabisë Saudite, duke sugjeruar se disa vendime të marra nga Gravina, veçanërisht në lidhje me stafin e tij, çuan në dorëheqjen e tij.

Tani FIGC dëshiron të hetojë nëse ata mund të kërkojnë dëmshpërblim për largimin e papritur të Mancinit.

(Kosova Sot Online)