Lexoni edhe:
Xhaka pranon se ndaj Kosovës është ndeshje e veçantë
Kosovari Albion Rrahmani po shkëlqen në Rumani, zgjidhet lojtari i javës
Albion Rrahmani është zgjedhur lojtari më i mirë i javës në Rumani, transmeton "Kosova Sot Online".
Sulmuesi kosovar po shkëlqen në fanellën e Rapid Bukureshtit dhe këto paraqitje po i shpërblehen atij.
“Lewandowski” i Kosovës ishte protagonist edhe në xhiron e 10-të të kampionatit rumun.
Ish-futbollisti i Malishevës dhe i Ballkanit i shënoi dy gola dhe e bëri një asistim në fitoren e Rapidit me rezultat 3:1 kundër Clujit.
“Lewa e fitoi trofeun e parë të Superligës së Rumanisë si lojtari më i mirë i xhiros së 10-të”, shkruan Rapidi në “Facebook”, i cili e përcolli atë me një fotografi të përfaqësuesit kosovar me trofeun e fituar. 23 vjeçari i ka realizuar 6 gola në 5 ndeshje të zhvilluara në elitën e futbollit rumun.
Rrahmani iu bashkua Rapidit në verën që shkoi nga Ballkani, ndërsa me klubin rumun nënshkroi kontratë deri në vitin 2026.
Ai pritet të jetë pjesë e Kombëtares së Kosovës edhe në ndeshjet e tetorit, ndërsa me “Dardanët” debutoi në duelet e shtatorit.
(Kosova Sot Online )
